Bambang S.
Santri IRo di Lamongan
_____
Aku lagi antri tuku serabi solo ning trotoar pinggir tugu bandeng lele Lamongan isuk mau, pesenane, dikon nukokne, ibue arek-arek. Gak athik nyawang semliwere kendaraan, supaya sabar nunggu diladeni, aku mbukak hape. Salah siji WAG sing tak delok yaiku group komunitas IRo Society, nggonku nyantri. Ora nyana ora ngira ono tulisan Prof. Imam Robandi sing nganggo basa Jawa. Iki menarik, pikirku, maka terus memantik lan ndadekno aku nulis iki. Alhamdulillah. Matur nuwun, Prof.
Ketua Dewan Profesor ITS iku nyerat singkat telung paragraf cekak. Isine ngenani pengetan 17 Agustus Hari Kemerdekaan Indonesia. Senajan ora dawa namung isine bermakna lan mengena. Diserat nganggo basa ngoko santai tapi alus. Priyantun saking Gombong Jawa Tengah sing seniman multi talenta, sing ora pisan pindho tampil ndalang wayang kulit utawa dadi sutradara wayang wong, iki maringi pesen bijak kanggo para pembaca. Enak diwaca lan perlu.
Aku koq yo lali alias ora eling yen dina tanggal pitulas Agustus iki yo pas hari lahir beliau. Kanca-kanca para santri warga IRo padha ngaturake doa lan ucapan sugeng ambal warsa, selamat milad, dhumateng sang guru. Malah ono sing wis nyiapno video lan diunggah dadi hadiah kejutan. Nate pirang taun kepungkur hadiah para santri arupa penerbitan buku ngenani piyambakipun.
Akademisi, budayawan,, uga yuotuber sing duwe atusan ewu subcriber iki, ing catetane Bapa Djoko Pitono, jurnalis kawak Jawa Pos, Prof. Imam Robandi iku sosok guru besar langka di Indonesia sing gati, aktif mbina mahasiswa, santri lan para pembelajar di dalam dan luar kampus, khususe dalam wadah komnunitas IRo Society, kang duwe slogan empowering and enlightening, memberdayakan dan mencerahkan. Syukur alhamdulillaah sing gelem belajar, ngangsu ilmu, pengalaman, motivasi lan inspirasi saking Prof. Imam Robandi
___
Mantup, 17 Agustus 2024
Tidak ada komentar:
Posting Komentar